Blog rasmi ya Mkoa wa Simiyu

Thursday, January 9, 2020

MWEKEZAJI KUTOKA INDIA AONESHA NIA KUWEKEZA KILIMO CHA MPUNGA, KIWANDA CHA KUCHAKATA MPUNGA SIMIYU


Mwekezaji kutoka nchini India, Bw.Vivek Agarwala ameonesha nia ya kuwekeza kwenye kilimo cha mpunga kupitia umwagiliaji na kujenga kiwanda cha kuchakata mpunga wilayani Busega mkoani Simiyu, ambapo anatarajia kuwekeza katika eneo lenye ukubwa wa ekari zipatazo 2000.



Akizungumza na viongozi na watendaji wa Mkoa wa Simiyu baada ya kutembelea maeneo mbalimbali yenye fursa ya uwekezaji katika kilimo cha mpunga wilayani Busega, Bw. Agarwala amesema mkoa wa Simiyu na Tanzania kwa ujumla ina rasilimali nyingi hivyo ikiwa Makampuni kutoka India yatafanya kazi kwa kushirikiana na Watanzania rasilimali hizo ziatakuwa na manufaa kwa Watanzania.

“Mkoa wa Simiyu na Tanzania kwa ujumla ina rasilimali za kutosha ambazo zipo kwa ajili ya kuwanufaisha Watanzania wenyewe hivyo  kinachohitajika ni teknolojia, uwekezaji, ushirikiano kutoka Serikalini kufanya haya yote yatokee; baada ya ziara hii ninaamini tukiyatekeleza kwa juhudi yale tuliyokubaliana mkoa huu utaendelea kwa kasi,” alisema Agarwala.

Mkuu wa Mkoa wa Simiyu, Mhe. Anthony Mtaka amemhakikishia mwekezaji huyo upatikanaji wa eneo la ekari 2000 kwa ajili ya uwekezaji na kubainisha kuwa malengo ya mkoa ni kuhakikisha wilaya ya Busega inakuwa mzalishaji mkuu wa chakula katika mkoa kwa kuwa ndiyo wilaya yenye ziwa Victoria ndani ya Mkoa.

Aidha, pamoja na kutoa ushirikiano kwa mwekezaji kutimiza azma yake Mtaka amesema Serikali ya Mkoa imezungumza na Benki ya CRDB kuona uwezekano wa kuwawezesha wakulima wa mpunga wilayani Busega hususani walio kando ya ziwa Victoria kupitia dirisha la kilimo ili waweze kulima kisasa kupitia umwagiliaji.

Naye Meneja wa Benki ya CRDB Kanda ya Ziwa, Bw. Lusingi Sitta amesema Benki iko tayari kumuunga mkono mwekezaji na wakulima wa wilaya ya Busega  kupitia dirisha la kilimo kutokana na wilaya hiyo kuwa na maeneo mazuri na chanzo cha uhakika cha maji (Ziwa Victoria), ambapo alibainisha kuwa tayari benki hiyo ina uzoefu wa kuwezesha miradi mbalimbali ya kilimo cha umwagiliaji.

Kwa upande wake Mwenyekiti wa Chama Cha Mapinduzi (CCM) Mkoa wa Simiyu, Mhe. Enock Yakobo amesema wao kama chama wanaunga mkono juhudi za watu wanaoitika huku akiongeza kuwa mkoa huo ni miongoni mwa mikoa inayofanya vizuri kwenye kilimo hususani cha mpunga hivyo ujio wa mwekezaji huyo mkoani hapa utasaidia kuongeza tija kwenye zao hilo.

Katika hatua nyingine  baadhi ya wakulima wamesema kuwa ujio wa mwekezaji  huyo utawasaidia wao kuzalisha kwa tija ikilinganishwa na awali," tukianza kulima kilimo cha umwagiliaji tunaamini tutavuna mavuno mengi maana tutalima zaidi ya mara moja kwa msimu" alisema Monika Msabila

"Kuna kipindi mavuno yanashuka kama mvua zikiwa chache sasa ujio wa mwekezaji huyu tumeupokea maana atatusaidia na sisi kulima kilimo cha umwagiliaji na kuacha kutegemea mvua pekee " alisema Simon Ngelela mkazi wa Kijiji cha Shigala wilayani Busega.

Katika hatua nyingine mwekezajI alipata fursa ya kutembelea kiwanda kinachomilikiwa na Mwekezaji mzawa, Deogratius Kumalija ambacho kinaongeza thamani kwenye mazao ya chakula hususani mpunga na mahindi Busega Mazao Limited  kilichopo wilayani Busega.
MWISHO

Mkuu wa Mkoa wa Simiyu, Mhe. Anthony Mtaka (kushoto) akitoa maelezo kwa Mwekezaji kutoka nchini India, Bw.Vivek Agarwala(wa tatu kulia)  ambaye anatarajia kuwekeza kwenye kilimo cha mpunga kupitia umwagiliaji na kujenga kiwanda cha kuchakata mpunga wilayani Busega, wakati alipotembelea kuona moja ya maeneo yenye fursa ya uwekezaji huo jana Januari 08, 2020  wilayani Busega  
 Mkurugenzi Mtendaji wa Halmashauri ya Wilaya ya Busega, Bw. Anderson Kabuko (wa pili kushoto) akitoa maelezo ya eneo la Mwamanyili kwa Mwekezaji kutoka nchini India, Bw.Vivek Agarwala(wa tatu kulia)  ambaye anatarajia kuwekeza kwenye kilimo cha mpunga kupitia umwagiliaji na kujenga kiwanda cha kuchakata mpunga wilayani Busega, wakati alipotembelea kuona moja ya maeneo yenye fursa ya uwekezaji huo jana Januari 08, 2020  wilayani Busega  .  
 Mwekezaji kutoka nchini India, Bw.Vivek Agarwala(wa tatu kulia)  ambaye anatarajia kuwekeza kwenye kilimo cha mpunga kupitia umwagiliaji na kujenga kiwanda cha kuchakata mpunga wilayani Busega, akiangalia  mchele unaochakatwa  na kiwanda cha Busega Mazao wakati alipotembelea kuona moja ya maeneo yenye fursa ya uwekezaji huo jana Januari 08, 2019  wilayani Busega  .  

 Mkuu wa Mkoa wa Simiyu, Mhe. Anthony Mtaka (kushoto) akitoa maelezo kwa Mwekezaji kutoka nchini India, Bw.Vivek Agarwala(wa tatu kulia)  ambaye anatarajia kuwekeza kwenye kilimo cha mpunga kupitia umwagiliaji na kujenga kiwanda cha kuchakata mpunga wilayani Busega, wakati alipotembelea kuona moja ya maeneo yenye fursa ya uwekezaji huo jana Januari 08, 2020 wilayani Busega  

 Mkuu wa Mkoa wa Simiyu, Mhe. Anthony Mtaka (wa pili kulia) akitoa maelezo kwa Mwekezaji kutoka nchini India, Bw.Vivek Agarwala(wa tatu kulia)  ambaye anatarajia kuwekeza kwenye kilimo cha mpunga kupitia umwagiliaji na kujenga kiwanda cha kuchakata mpunga wilayani Busega, wakati alipotembelea kuona moja ya maeneo yenye fursa ya uwekezaji huo jana Januari 08, 2020  wilayani Busega  

 Kaimu Katibu Tawala wa Mkoa wa Simiyu, Bw. Ekwabi Mujungu (kushoto) akisalimiana Mwekezaji kutoka nchini India, Bw. Vivek Aragwala mara baada ya kumpokea katika Uwanja wa Ndege wa Mwanza leo Januari 08, 2020 ambaye atafanya ziara ya siku moja mkoani Simiyu yenye lengo la kuangalia maeneo ya uwekezaji katika kilimo cha mpunga na ujenzi wa kiwanda cha kuchakata mpunga, (kulia) ni Afisa kutoka Wizara ya Mambo ya nje na Ushirikiano wa Afrika Mashariki, Bw. Abdallah Kirungu aliyefuatana na mwekezaji huyo.

 Bi. Monica Msabila mkulima wa mpunga kutoka Kijiji cha Shigala wilayani Busega akitoa maelezo ya kilimo hicho kwa Mwekezaji kutoka nchini India, Bw. Vivek Aragwala ambaye anatarajia kuwekeza katika kilimo cha mpunga na kujenga kiwanda cha kuchakata mpunga wilayani humo, pamoja na viongozi wengine wa mkoa alioambatana nao katika ziara yake ya kuona maeneo yenye fursa ya uwekezaji huo jana Januari 08, 2020.  

 Baadhi ya viongozi na watendaji wa wilaya ya Busega na mkoa wa Simiyu wakiwa katika picha ya pamoja na Mwekezaji kutoka nchini India, Bw. Vivek Aragwala ambaye anatarajia kuwekeza katika kilimo cha mpunga na kujenga kiwanda cha kuchakata mpunga wilayani Busega (wa nane kulia)  mara baada ya kutembelea maeneo mbalimbali yenye fursa za uwekezaji huo jana Januari 08, 2020 .

 Bw. Simon Ngeleja mkulima wa mpunga kutoka Kijiji cha Shigala wilayani Busega akitoa maelezo ya kilimo hicho kwa Mwekezaji kutoka nchini India, Bw. Vivek Aragwala (kushoto) ambaye anatarajia kuwekeza katika kilimo cha mpunga na kujenga kiwanda cha kuchakata mpunga wilayani humo, pamoja na viongozi wengine wa mkoa alioambatana nao katika ziara yake ya kuona maeneo yenye fursa ya uwekezaji huo jana Januari 08, 2020.
 Mwekezaji kutoka nchini India, Bw.Vivek Agarwala(kushoto)  ambaye anatarajia kuwekeza kwenye kilimo cha mpunga kupitia umwagiliaji na kujenga kiwanda cha kuchakata mpunga wilayani Busega, akiangalia  unga wa sembe moja ya bidhaa  inayozalishwa  na kiwanda cha Busega Mazao wakati alipotembelea kuona moja ya maeneo yenye fursa ya uwekezaji anaotaka kufanya,  jana Januari 08, 2020  wilayani Busega.
 Mwekezaji kutoka nchini India, Bw.Vivek Agarwala(katikati)  ambaye anatarajia kuwekeza kwenye kilimo cha mpunga kupitia umwagiliaji na kujenga kiwanda cha kuchakata mpunga wilayani Busega akiteta jambo na Mkuu wa Mkoa wa Simiyu, Mhe. Anthony Mtaka (kulia) na Afisa kutoka Wizara ya Mambo ya nje na Ushirikiano wa Afrika Mashariki, Bw. Abdallah Kirungu aliyefuatana na mwekezaji huyo baada ya kutembelea na kuona moja ya maeneo yenye fursa ya uwekezaji anaotaka kufanya,  jana Januari 08, 2020  wilayani Busega.

 Sehemu ya kiwanda cha kuchakata nafaka cha Busega Mazao Limited kilichopo wilayani Busega Mkoani Simiyu.
 Mwekezaji kutoka nchini India, Bw.Vivek Agarwala(katikati)  ambaye anatarajia kuwekeza kwenye kilimo cha mpunga kupitia umwagiliaji na kujenga kiwanda cha kuchakata mpunga wilayani Busega akiteta jambo na Mkuu wa Mkoa wa Simiyu, Mhe. Anthony Mtaka (wa pili kulia), Meneja wa Benki ya CRDB Kanda ya Ziwa, Lusingi Sitta(kulia) na Mwenyekiti wa CCM Mkoa wa Simiyu, Mhe. Enock Yakobo baada ya kutembelea na kuona moja ya maeneo yenye fursa ya uwekezaji,  jana Januari 08, 2020  wilayani Busega.
Sehemu ya eneo la Mwamanyili wilayani Busega linalofaa kwa kilimo cha umwagiliaji ambalo lilitembelewa na Mwekezaji kutoka nchini India, Bw.Vivek Agarwala(katikati)  ambaye anatarajia kuwekeza kwenye kilimo cha mpunga kupitia umwagiliaji na kujenga kiwanda cha kuchakata mpunga wilayani Busega Januari 08, 2020.
 Mwekezaji kutoka nchini India, Bw.Vivek Agarwala(wa tatu kulia)  ambaye anatarajia kuwekeza kwenye kilimo cha mpunga kupitia umwagiliaji na kujenga kiwanda cha kuchakata mpunga wilayani Busega akizungumza na baadhi ya viongozi na watendaji mkoani Simiyu wakati wa ziara yake ya kutembelea na kuona moja ya maeneo yenye fursa ya uwekezaji anaotaka kufanya,  jana Januari 08, 2020  wilayani Busega.
 Mwekezaji kutoka nchini India, Bw.Vivek Agarwala(kushoto)  ambaye anatarajia kuwekeza kwenye kilimo cha mpunga kupitia umwagiliaji na kujenga kiwanda cha kuchakata mpunga wilayani Busega akiteta jambo na Mkuu wa Mkoa wa Simiyu, Mhe. Anthony Mtaka (wa pili kulia), baada ya kutembelea na kuona maeneo yenye fursa ya uwekezaji,  jana Januari 08, 2020  wilayani Busega.

Tuesday, December 31, 2019

TANROADS, TARURA SIMIYU WATAKIWA KUTENGA FEDHA KUBORESHA BARABARA ZINAZOUNGANISHA SIMIYU NA MIKOA MINGINE


Mkuu wa Wilaya ya Bariadi, Mhe. Festo Kiswaga amezipongeza Wakala wa Barabara nchini (TANROADS) na Wakala wa Barabara za Vijijini na Mijini (TARURA) mkoa wa Simiyu kwa kazi nzuri zinazofanya na kuzisisitiza kutenga bajeti ya kuboresha ujenzi wa Barabara zote zinazounganisha Mkoa wa Simiyu na mikoa mingine ili zipitike wakati wote.

Kiswaga ameyasema hayo wakati akifungua kikao cha Bodi ya Barabara ya Mkoa wa Simiyu, kwa niaba ya Mkuu wa Mkoa wa Simiyu, Mhe. Anthony Mtaka, Desemba 30, 2019 mjini Bariadi ambapo amebainisha kuwa barabara zikiboreshwa zitarahisisha usafiri kwa wananchi na usafirishaji wa malighafi mbalimbali za viwanda na bidhaa zitakazozalishwa na viwanda, vinavyotarajiwa kujengwa Mwaka 2020.

“Kazi inayofanywa na TANROADS na TARURA ni kazi ambayo inatia moyo  na itakuwa na mchango mkubwa kwa viwanda vya nguo, glasi na vifaa tiba vitakavyoanzishwa mwakani; kwa maana ya material(malighafi) itakayoingia na bidhaa zitakazotengenezwa zitasafirishwa kwa urahisi,” alisema Kiswaga.

Akiwasilisha taarifa ya utekelezaji wa miradi Kaimu Meneja wa Wakala wa Barabara Tanzania (TANROADS) Mkoa wa Simiyu, Mhandisi. John Mkumbo  amesema katika robo ya pili ya mwaka wa fedha 2019/20 kazi  za matengenezo ya barabara  ambazo zipo kwenye utekelezaji ni kilometa 108.12 na madaraja 14.3 sawa na 54.3% huku iliyokamilika kwa barabara kuu ni kilometa 246.52 na madaraja 19.71 sawa na 40.8%.

Kwa upande wake Mratibu wa TARURA mkoa wa Simiyu  Mhandisi Dkt. Philemon Msomba amesema kuwa wametekeleza jumla ya miradi 30 ambayo tayari imekamilika  yenye thamani ya shilingi 3,694,627,194 bila VAT .

Katika hatua nyingine  Mkuu wa wilaya ya Meatu, Dkt Joseph Chilongani amesema ni vyema wakala wa barabara nchini (TANROADS) na Wakala wa Barabara Mijini na Vijijini  (TARURA) kuboresha madaraja yaliyopo wilaya ya Meatu kwa kujenga madaraja ya juu badala ya yale yaliyopo sasa ambayo ni ya chini  ili  barabara hizo zipitike wakati wote.

Naye Mwenyekiti wa Chama Cha Mapinduzi (CCM) Mkoa wa Simiyu Enock Yakobo aliwataka wakala hao kuweka taa kwenye maeneo ya katika ya miji ili wananchi waweze kufanya biashara zao nyakati zote ( saa 24).

Mbunge wa Busega, Mhe. Dkt. Raphael Chegeni ameshauri kuwa ni vema Serikali ikafanya marekebisho  katika mgao wa fedha za bajeti ya barabara kati ya wakala Wakala wa Barabara nchini (TANROADS) na Wakala wa Barabara za Mijini na Vijijini (TARURA) kutoka kwenye uwiano wa sasa,  ambapo TANROADS inapata asilimia 70 na TARURA  asilimia 30, iwe asilimia 40 kwa TARURA na asilimia 60 kwa TANROADS ili kuongeza ufanisi kwa TARURA.
MWISHO

Mkuu wa Wilaya ya Bariadi, Mhe. Festo Kiswaga akifungua kikao cha Bodi ya Barabara Mkoa wa Simiyu, kwa niaba ya Mkuu wa Mkoa wa Simiyu, Mhe Anthony Mtaka, kikao kilichofanyika Desemba 30, 2019 mjini Bariadi.
Baadhi ya wajumbe wa kikao cha Bodi ya Barabara Mkoa wa Simiyu, wakifuatilia masuala mbalimbali yaliyowasilishwa katika kikao hicho, Desemba 30, 2019.


Kaimu Meneja wa Wakala wa Barabara Tanzania (TANROADS) Mkoa wa Simiyu, Mhandisi. John Mkumbo akiwasilisha taarifa katika  kikao cha Bodi ya Barabara Mkoa wa Simiyu, kilichofanyika Desemba 30, 2019 mjini Bariadi.


Mratibu wa Wakala wa Barabara za Mijini na Vijijini Tanzania (TARURA) Mkoa wa Simiyu, Mhandisi Dkt.Philemon Msomba  akiwasilisha taarifa katika  kikao cha Bodi ya Barabara Mkoa wa Simiyu, kilichofanyika Desemba 30, 2019 mjini Bariadi.
Katibu Tawala wa Mkoa wa Simiyu, Bw. Jumanne Sagini , akifafanua jambo katika kikao cha Bodi ya Barabara Mkoa wa Simiyu, kilichofanyika Desemba 30, 2019 mjini Bariadi.
Mwenyekiti wa CCM Mkoa wa Simiyu, Mhe. Enock Yakobo akichangia hoja katika  kikao cha Bodi ya Barabara Mkoa wa Simiyu, kilichofanyika Desemba 30, 2019 mjini Bariadi.
Mbunge wa Jimbo la Itilima Mhe. Njalu Silanga akichangia hoja katika  kikao cha Bodi ya Barabara Mkoa wa Simiyu, kilichofanyika Desemba 30, 2019 mjini Bariadi.
 
Baadhi ya wajumbe wa kikao cha Bodi ya Barabara Mkoa wa Simiyu, wakifuatilia masuala mbalimbali yaliyowasilishwa katika kikao hicho, kilichofanyika Desemba 30, 2019 Mjini Bariadi.

Baadhi ya wajumbe wa kikao cha Bodi ya Barabara Mkoa wa Simiyu, wakifuatilia masuala mbalimbali yaliyowasilishwa katika kikao hicho, kilichofanyika Desemba 30, 2019 Mjini Bariadi.



Mwenyekiti wa Halmashauri ya Mji wa Bariadi, Mhe. Robert Lweyo akichangia hoja katika  kikao cha Bodi ya Barabara Mkoa wa Simiyu, kilichofanyika Desemba 30, 2019 mjini Bariadi.


Baadhi ya wajumbe wa kikao cha Bodi ya Barabara Mkoa wa Simiyu, wakifuatilia masuala mbalimbali yaliyowasilishwa katika kikao hicho, kilichofanyika Desemba 30, 2019 Mjini Bariadi.


Baadhi ya wajumbe wa kikao cha Bodi ya Barabara Mkoa wa Simiyu, wakifuatilia masuala mbalimbali yaliyowasilishwa katika kikao hicho, kilichofanyika Desemba 30, 2019 Mjini Bariadi.


Baadhi ya wajumbe wa kikao cha Bodi ya Barabara Mkoa wa Simiyu, wakifuatilia masuala mbalimbali yaliyowasilishwa katika kikao hicho, kilichofanyika Desemba 30, 2019 Mjini Bariadi.


Baadhi ya wajumbe wa kikao cha Bodi ya Barabara Mkoa wa Simiyu, wakifuatilia masuala mbalimbali yaliyowasilishwa katika kikao hicho, kilichofanyika Desemba 30, 2019 Mjini Bariadi.


Mbunge wa Jimbo la Busega  Mhe. Dkt. Raphael Chegeni  akichangia hoja katika  kikao cha Bodi ya Barabara Mkoa wa Simiyu, kilichofanyika Desemba 30, 2019 mjini Bariadi.



Monday, December 23, 2019

JAMII YATAKIWA KUACHA IMANI POTOFU MATUMIZI YA VIRUTUBISHI KWA WATOTO WA KIKE




Wito umetolewa kwa jamii kuondokana na mila potofu ya kuwazuia watoto wa kike wenye umri wa kuanzia miaka 10 mpaka 19 kutumia virutubishi vya madini chuma  na foliki asidi vinavyotolewa kwa rika hilo  kwa ajili ya kuwakinga na upungufu wa damu kwa madai kuwa virutubisho hivyo vibaharibu uzazi jambo ambalo halina ukweli.


Wito huo umetolewa na Afisa Lishe wa Mkoa wa Simiyu, Dkt. Chacha Magige katika kikao cha Kamati tendaji ya Kitaifa ya Mradi wa Right Start unaotekelezwa na Shirika lisilo la Kiserikali la AMREF Health Africa kwa kushirikiana na Serikali kilichofanyika jana Mjini Bariadi.

"Baadhi ya wazazi wamekuwa wakizuia watoto wao kupata virutubisho vinavyotolewa shuleni kutokana na imani potofu kwa madai kuwa vinaharibu uzazi; tunaendelea kutoka elimu kwa jamii juu ya umuhimu wa virutubisho hivi na tunapendekeza masuala ya lishe yajumuishwe katika mitaala ya elimu na itakapobidi kufanyike mabadiliko ya mitaala ili kuongeza uelewa wa masuala haya kwa jamii," alisema Chacha.

Awali akitoa taarifa ya hali ya lishe ya Mkoa, Dkt. Magige amesema utoaji wa huduma kwa watoto wenye utapiamlo umeongezeka kutoka asilimia 14 mwaka  2017 hadi kufikia asilimia 88.4 Septemba 2019; huku uwekezaji katika utoaji wa elimu ya unasihi wa masuala ya lishe ngazi ya jamii pia ukiongezeka kutoka asilimia 50 mwaka 2017 hadi asilimia 72.2 Septemba 2019.

Kwa upande wake Mwanafunzi wa darasa la sita katika shule ya msingi Ngulyati wilayani Bariadi, Nyabuho Paschal ambaye pia ni muelimishaji rika, amesisitiza watoto wa kike kuona umuhimu wa kutumia Virutubishi vya Madini Chuma na foliki asidi kwa kuwa vina mchango mkubwa katika rika balehe kwa wasichana na kutosikiliza maneno ya upotoshaji yanayotolewa na baadhi ya wazazi na walezi kuhusu virutubishi hivyo.

Naye Mratibu wa lishe ya Mama, watoto na vijana balehe kutoka Wizara ya afya, maendeleo ya jamii, jinsia,  wazee na watoto, Bibi. Tufingene Malambugi amesema katika ziara iliyofanywa na Kamati tendaji ya Kitaifa ya Mradi wa Right Start katika vituo vya kutolea huduma za afya wilayani Bariadi, ilibainika kuwa shughuli mbalimbali za afya na lishe zinatolewa  ikiwemo matibabu ya utapiamlo na utoaji wa elimu ya lishe.

Meneja Mradi wa Right Start Initiatives  mikoa ya Simiyu na Mwanza, Dkt. Rita Mutayoba amesema pamoja na shughuli za afya na lishe mradi huu pia unatoa elimu ya lishe ngazi ya jamii kupitia vipeperushi na mabango, kufanya uhamasishaji kupitia wahudumu wa afya ngazi ya jamii, mikutano ya uhamasishaji ya mara kwa mara ambao unafanywa kwa kutumia ngoma za asili ili kufikisha ujumbe katika maeneo husika.

Sanjali na hilo Mkurugenzi Mkuu wa Shirika lisilo la Kiserikali la AMREF Health Africa, Dkt. Florence Temu amewashukuru wadau wote walioshiriki kwa namna moja au nyingine katika utekelezaji wa mradi wa Right Start unaotarajiwa kufikia ukomo  wake mwezi Machi 2020, huku akibainisha kuwa mradi huo umesaidia kuboresha masuala mbalimbali ya afya na lishe.

Wakati huo huo Kaimu Katibu Tawala wa Mkoa wa Simiyu, Bw. Donatus Weginah Bw. Donatus Weginah amesema Mkoa wa Simiyu utaendelea kuweka mipango madhubuti ya kuendeleza shughuli mbalimbali za masuala ya afya na lishe zinazofanywa na Mradi wa Right Start na kuhakikisha malengo yaliyowekwa ya wananchi kuwa na lishe bora yanafikiwa.
MWISHO


 Afisa Lishe wa Mkoa wa Simiyu, Dkt. Chacha Magige  akiwasilisha taarifa yahali ya lishe katika Mkoa wa Simiyu, kwenye kikao cha kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, kilichofanyika Desemba 20, 2019 Mjini Bariadi.


 Katibu Tawala Msaidizi Seksheni ya Mipango na Uratibu, katika Ofisi ya Mkuu wa Mkoa wa Simiyu, Bw. Donatus Weginah akifungua kikao cha kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, kilichofanyika Desemba 20, 2019 Mjini Bariadi.


 Mkurugenzi Mkuu wa Shirika lisilo la kiserikali la AMREF Health Africa, Dkt. Florence Temu akizungumza na wajumbe wa kikao cha kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, kilichofanyika Desemba 20, 2019 Mjini Bariadi.


 Meneja Mradi wa Right Start, Dkt. Rita Mutayoba akiwasilisha taarifa ya mradi huo kwa wajumbe wa kikao cha kamati tendaji ya Kitaifa ya mradi huo unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, kilichofanyika Desemba 20, 2019 Mjini Bariadi.


 Mganga Mkuu wa Mkoa wa Simiyu, Dkt. Festo Dugange akizungumza na wajumbe wa kikao cha kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, kilichofanyika Desemba 20, 2019 Mjini Bariadi.


 Baadhi ya wajumbe wa kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, wakiwa katika kikao kilichofanyika Desemba 20, 2019 Mjini Bariadi.

 Afisa Lishe wa Mkoa wa Simiyu, Dkt. Chacha Magige (kulia) akiwaongoza baadhi ya wajumbe wa kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, wakati walipotembelea kituao cha Afya cha Ngulyati wilayani Bariadi Desemba 19, 2019 kujionea hali ya utekelezaji wa masuala ya lishe .
 Mwanafunzi wa darasa la sita katika shule ya msingi Ngulyati wilayani Bariadi, Nyabuho Paschal  akitoa elimu kwa wanfunzi wenzake kuhusu masuala ya matumizi na umuhimu wa virutubishi kwa wasichana balehe wakati wa ziara ya wajumbe wa kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, iliyofanyika shuleni hapo Desemba 19, 2019.
 Baadhi ya wajumbe wa kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, wakiwa katika picha ya pamoja baadhi ya wanafunzi wa shule ya msingi Ngulyati iliyopo wilayani Bariadi, baada ya ziara yao yenye lengo la kujionea hali ya utekelezaji wa masuala ya lishe shuleni hapo Desemba 19, 2019.
 Kaimu Katibu Tawala wa Mkoa wa Simiyu, Bw. Donatus Weginah akizungumza na Baadhi ya wajumbe wa kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, walipomtembelea ofisini kwake  Desemba 19, 2019 Mjini Bariadi.
 Baadhi ya wakina mama na wakina baba wakipata elimu ya masuala ya lishe katika kituo cha afya cha Ngulyati .
 Baadhi ya wajumbe wa kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, wakiwa katika kikao kilichofanyika Desemba 20, 2019 Mjini Bariadi.
 Baadhi ya wajumbe wa kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, wakiwa katika shule ya msingi Ngulyati iliyopo wilayani Bariadi, kwenye  ziara yao yenye lengo la kujionea hali ya utekelezaji wa masuala ya lishe shuleni hapo Desemba 19, 2019.
 Baadhi ya wajumbe wa kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, wakiwa na baadhi ya wanafunzi wa shule ya msingi Ngulyati iliyopo wilayani Bariadi, baada ya ziara yao yenye lengo la kujionea hali ya utekelezaji wa masuala ya lishe shuleni hapo Desemba 19, 2019.
 Mratibu wa Lishe ya baba na mtoto na vijana balehe kutoka Wizara ya Afya, maendeleo ya Jamii, Wazee na Watoto, Bibi. Tufingene Malambugi akitoa maelekezo kwa Muuguzi wa Wodi ya Wazazi katika Kituo cha Afya cha Ngulyati, Bi. Kabula Tambilija wakati wa ziara ya wajumbe wa kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, katika kituo hicho Desemba 19, 2019.
 Mwenyekiti wa kikao cha kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, Bw. Donatus Weginah (wa tatu kushoto) akiwa katika picha ya pamoja na baadhi ya wajumbe wa Kamati hiyo na watumishi wa AMREF, mara baada ya kikao hicho kumalizika Desemba 20, 2019 Mjini Bariadi.
 Mwenyekiti wa kikao cha kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, Bw. Donatus Weginah (wa tatu kushoto) akiwa katika picha ya pamoja na baadhi ya wajumbe wa Kamati hiyo kutoka wizara mbalimbali mara baada ya kikao hicho kumalizika Desemba 20, 2019 Mjini Bariadi.
 Mwenyekiti wa kikao cha kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, Bw. Donatus Weginah (wa tatu kushoto) akiwa katika picha ya pamoja na baadhi ya wajumbe wa Kamati hiyo kutoka wizara mbalimbali mara baada ya kikao hicho kumalizika Desemba 20, 2019 Mjini Bariadi.
 Afisa Lishe wa Mkoa wa Simiyu, Dkt. Chacha Magige  akiwasilisha taarifa yahali ya lishe katika Mkoa wa Simiyu, kwenye kikao cha kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, kilichofanyika Desemba 20, 2019 Mjini Bariadi.
Kaimu Katibu Tawala wa Mkoa wa Simiyu, Bw. Donatus Weginah akizungumza na Baadhi ya wajumbe wa kamati tendaji ya Kitaifa ya Mradi wa Right Start unaotekelezwa kwa ushirikiano kati ya Serikali na Shirika lisilo la kiserikali la AMREF Health Africa, walipomtembelea ofisini kwake  Desemba 19, 2019 Mjini Bariadi.
Powered by Blogger.
Subscribe Via Email

Subscribe to our newsletter to get the latest updates to your inbox. ;-)

Your email address is safe with us!