Thursday, October 11, 2018

WAFUGAJI SIMIYU KUBORESHA UFUGAJI KUPITIA UHIMILISHAJI


Wafugaji Mkoani Simiyu wanatarajia kuboresha ufugaji wao kupitia Mpango Mkakati wa kuboresha ng’ombe wa asili kwa njia ya  uhimilishaji kwa lengo la kuongeza tija katika uzalishaji wa mazao ya mifugo, mpango unaotarajiwa kuanza kutekelezwa mwezi Desemba, 2018.

Hayo yamebainishwa katika kikao cha Wadau wa Mifugo mkoani Simiyu, kilichofanyika Oktoba 10, 2018 mjini Bariadi, kwa lengo la kujadili Utekelezaji wa Mpango mkakati wa kuboresha  mifugo  kwa njia ya Uhimilishaji (Artificial Insermination),chini ya Uenyekiti wa Mkuu wa Wilaya ya Bariadi, kwa niaba ya Mkuu wa Mkoa wa Simiyu, Mhe. Anthony Mtaka.

Akizungumza katika kikao hicho Mratibu wa Mpango wa Uhimilishaji  kutoka Shirika la Land O’ Lakes, Bw. Joachim Balakana amesema  shirika hilo kwa kushirikiana na mkoa wa Simiyu limelenga kuhakikisha wafugaji wa ng’ombe wa kienyeji na kisasa wanafanya uhimilishaji ili kuboresha mbari za ng’ombe wao na kuongeza tija katika uzalishaji wa maziwa na nyama.

“Uhimilishaji utafanyika kwa kutumia mbegu bora zilizozalishwa hapa nchini katika kituo cha Uhimilishaji Arusha, baada ya ng’ombe wa kienyeji kuhimilishwa tunategemea kupata ng’ombe chotara wa waziwa ambao watakuwa wakitoa maziwa mengi na wa nyama watakaofikia uzito mkubwa ndani ya muda mfupi”alisema Balakana.

Ameongeza kuwa kupitia mpango huu ng’ombe zaidi ya 12,000 wanatarajiwa kuhimilishwa mkoani Simiyu kuanzia Desemba, 2018, huku akibanisha kuwa kutokana na mwitikio mkubwa wa wafugaji na viongozi mkoani humo, ng’ombe zaidi ya hao waliolengwa wanaweza kuhimilishwa na ndani ya muda mfupi matokeo makubwa yakaonekana.

Mkuu wa Wilaya ya Bariadi,Mhe. Festo Kiswaga akizungumza kwa niaba ya Mkuu wa Mkoa wa Simiyu, Mhe. Anthony Mtaka amesema mkoa huo una ng’ombe wengi hivyo, uhimilishaji utasaidia kuongeza thamani ya mifugo kwa upatikanaji wa mbegu bora, ambapo ng’ombe wa nyama watakuwa na uzito mkubwa wakiwa na umri mdogo, ngombe wa maziwa kutoa maziwa mengi na ngozi bora pia itapatikana.

Ameongeza kuwa mkoa huo umejipanga kuboresha ufugaji na kuwasaidia wafugaji kuona thamani ya ufugaji, huku akibainisha kuwa upo uhakika wa kuyaongezea thamani mazao ya mifugo hususani maziwa, kutokana na uwepo wa kiwanda cha maziwa wilayani Meatu ambacho kiko katika mpango wa  kupanuliwa ili kukiongezea uwezo katika uzalishaji.

Akiwasilisha taarifa ya hali ya uboreshaji  mifugo ya mkoa wa Simiyu, Katibu Tawala Msaidizi kutoka Ofisi ya Mkuu wa Mkoa wa Simiyu, Dkt. Gamitwe Mahaza amesema jumla ya ng’ombe 348 waliozaliwa kwa njia ya uhimilishaji kati ya ng’ombe 1,598,935 waliopo, hivyo mkoa unaendelea kufanya jitihada mbalimbali kuhimiza uhimilishaji katika halmashauri zote mkoani humo.

Dkt. Gamitwe ametaja moja ya juhudi hizo kuwa ni pamoja na kuzielekeza Halmashauri kutenga asilimia 15 ya mapato ya ndani yatokanayo na mifugo kwa lengo la kuanzisha mfuko wa maendeleo wa mifugo, kuzihamasisha halmashauri kununua vifaa vya uhimilishaji na kununua madume bora.

Kwa upande wao baadhi ya viongozi wa wafugaji na wafugaji wamesema wameupongeza uongozi wa mkoa kwa kufikiri namna ya kuboresha ufugaji kupitia na mpango wa uhimilishaji na wakaeleza kuwa wameupokea mpango huo na kuomba uanze kutekelezwa mara moja ili waweze kuona tija katika ufugaji wao.

“Naishukuru Serikali kuleta mpango huu wa kuhimilisha ng’ombe wetu nimeupokea kwa furaha sana na ninaomba wataalam waje haraka kutuelimisha wafugaji, ili uanze kutekelezwa haraka tupate kuona  faida ya ufugaji, tupate maziwa mengi na ng’ombe wa nyama wenye uzito mkuwa kama mtaalam alivyotueleza” alisema Bw. Mathias Gabriel  Mfugaji kutoka Kijiji cha Mwanegele wilayani Maswa.

“ Nimeupenda mpango wa uhimilishaji ambao utasaidia kuboresha ng’ombe wa kienyeji tulionao sasa, na mimi kama Katibu wa Wafugaji Itilima napendekeza mpango huu utakapoanza uanzie kwangu, ili wafugaji wengine waje wajifunze kutoka kwangu”  Katibu wa Wafugaji Wilaya ya Itilima, Samson Kingi Guma alieleza.

Mpango mkakati wa uboreshaji wa mifugo kwa njia ya Uhimilishaji Mkoani Simiyu unatekelezwa kwa ushirikiano kati ya Wizara ya Mifugo,  Shirika la Land O’ Lakes chini ya Mradi wa Ushirikishwaji wa Sekta ya Umma na binafsi katika utoaji wa huduma za Uhimilishaji (PAID), kwa ufadhili wa Mfuko wa wakfu wa Bill na Melinda Gates.
MWISHO
Mkuu wa Wilayaya Bariadi, Mhe. Festo Kiswaga akifungua kikao cha wadau wa mifugo mkoani Simiyu, kwa niaba ya Mkuu wa Mkoa huo, Mhe. Anthony Mtaka  kilichofanyika Mjini Bariadi Oktoba 10, 2018 kwa lengo la kujadili Utekelezaji wa Mpango mkakati wa kuboresha ng’ombe wa asili   kwa njia ya uhimilishaji.
Mratibu wa Mpango wa Uhimilishaji  kutoka Shirika la Land O’ Lakes, Bw. Joachim Balakana akizungumza na wadau wa mifugo Mkoani Simiyu katika kikao cha wadau wa mifugo kilichofanyika Mjini Bariadi Oktoba 10, 2018 kwa lengo la kujadili Utekelezaji wa Mpango mkakati wa kuboresha  ng’ombe wa asili kwa njia ya uhimilishaji.

 Mkuu wa Wilaya ya Bariadi, Mhe. Festo Kiswaga(kushoto) akiteta jambo na Mwenyekiti wa CCM Mkoa wa Simiyu, Mhe Enock Yakobo katika kikao cha wadau wa mifugo kilichofanyika Mjini Bariadi Oktoba 10, 2018 kwa lengo la kujadili Utekelezaji wa Mpango mkakati wa kuboresha ng’ombe wa asili kwa njia ya uhimilishaji. 
Katibu wa Wafugaji Wilaya ya Itilima, Samson Kingi Guma akichangia hoja katika kikao  cha wadau wa mifugo kilichofanyika  Mjini Bariadi Oktoba 10, 2018 kwa lengo la kujadili Utekelezaji wa Mpango mkakati wa kuboresha  ng’ombe wa asili kwa njia ya uhimilishaji.
 Baadhi ya wadau wa mifugo wakifuatilia uwasilishaji wa mada mbalimbali katika kikao kilichofanyika  Mjini Bariadi Oktoba 10, 2018 kwa lengo la kujadili Utekelezaji wa Mpango mkakati wa kuboresha  ng’ombe wa asili kwa njia ya uhimilishaji. 


Mwenyekiti wa CCM Wilaya ya Maswa, Mhe. Paul Jidayi akichangia hoja katika kikao  cha wadau wa mifugo kilichofanyika  Mjini Bariadi Oktoba 10, 2018 kwa lengo la kujadili Utekelezaji wa Mpango mkakati wa kuboresha  ng’ombe wa asili kwa njia ya uhimilishaji.
Katibu Tawala Msaidizi Seksheni ya Uchumi na Uzalishaji katika Ofisi ya Mkuu wa Mkoa wa Simiyu, Dkt. Gamitwe Mahaza taarifa ya hali ya uboreshaji wa mifugo  mkoani humo, katika kikao  cha wadau wa mifugo kilichofanyika  Mjini Bariadi Oktoba 10, 2018 kwa lengo la kujadili Utekelezaji wa Mpango mkakati wa kuboresha  ng’ombe wa asili kwa njia ya uhimilishaji.
 Mkuu wa Wilaya ya Itilima, Mhe. Benson Kilangi akichangia hoja katika kikao  cha wadau wa mifugo kilichofanyika  Mjini Bariadi Oktoba 10, 2018 kwa lengo la kujadili Utekelezaji wa Mpango mkakati wa kuboresha  ng’ombe wa asili kwa njia ya uhimilishaji. 
Mwenyekiti wa CCM Mkoa wa Simiyu, Mhe. Enock Yakobo akichangia hoja katika kikao  cha wadau wa mifugo kilichofanyika  Mjini Bariadi Oktoba 10, 2018 kwa lengo la kujadili Utekelezaji wa Mpango mkakati wa kuboresha ng’ombe wa asili kwa njia ya uhimilishaji.
 Mkuu wa Wilaya ya Meatu, Mhe. Dkt. Joseph Chilongani akichangia hoja katika kikao  cha wadau wa mifugo kilichofanyika  Mjini Bariadi Oktoba 10, 2018 kwa lengo la kujadili Utekelezaji wa Mpango mkakati wa kuboresha  ng’ombe wa asili  kwa njia ya uhimilishaji.
Mfugaji kutoka Kijiji cha Mwanegele wilayani Maswa, Bw. Mathias Gabriel  akichangia hoja katika kikao  cha wadau wa mifugo kilichofanyika  Mjini Bariadi Oktoba 10, 2018 kwa lengo la kujadili Utekelezaji wa Mpango mkakati wa kuboresha ng’ombe wa asili   kwa njia ya uhimilishaji.
Mkurugenzi Mtendaji wa Halmashauri ya Wilaya ya Meatu, Bw. Fabian Manoza  akichangia hoja katika kikao  cha wadau wa mifugo, kilichofanyika  Mjini Bariadi Oktoba 10, 2018 kwa lengo la kujadili Utekelezaji wa Mpango mkakati wa kuboresha ng’ombe wa asili kwa njia ya uhimilishaji.
Baadhi ya  wadau wa mifugo mkoani Simiyu, uwasilishaji wa mada mbalimbali katika kikao kilichofanyika  Mjini Bariadi Oktoba 10, 2018 kwa lengo la kujadili Utekelezaji wa Mpango mkakati wa kuboresha ng’ombe wa asili  kwa njia ya uhimilishaji. 


Saturday, October 6, 2018

WAZIRI MKUU MAJALIWA MGENI RASMI MAONESHO YA SIDO KITAIFA SIMIYU


Waziri Mkuu wa Jamhuri ya Muungano wa Tanzania, Mhe.Kassim Majaliwa anatarajiwa kuwa mgeni rasmi katika Maonesho ya Kwanza ya Viwanda vidogo (SIDO)  ambayo Kitaifa yatafanyika mkoani SIMYU katika Viwanja vya nane nane Nyakabindi, kuanzia tarehe 23-28 Oktoba, 2018.

Hayo yamesemwa na Mkuu wa Mkoa wa Simiyu Anthony Mtaka  katika kikao cha maandalizi ya maonesho  hayo kilichowashirikisha baadhi ya viongozi wa mkoa wa Simiyu na mameneja wa Shirika la Viwanda vidogo (SIDO) kutoka mikoa ya Simiyu, Dodoma ,Mwanza, Kagera ,Mara, Shinyanga na Arusha.

Mtaka amewakaribisha wananchi wa mkoa mwenyeji Simiyu Watanzania wote kwa ujumla kuja kushiriki maonesho ya SIDO yatakayobebwa  na Kauli Mbiu “Pamoja Tujenge Viwanda Kufikia Uchumi wa Kati” na kubainisha kuwa mkoa wa Simiyu unaamini kuwa maonesho hayo yatakuwa ni maonesho darasa, mahali ambapo watu watajifunza na kufanya biashara.

Ameongeza kuwa maonesho ya SIDO yanabeba ajenda ya Serikali ya awamu ya tano na matamanio ya Mhe. Rais ya kuwa na Tanzania ya Viwanda na kuifikisha  nchi katika Uchumi wa Kati, hivyo akaawaalika wadau wote wenye teknolojia mbalimbali kushiriki maonesho haya.

“Ninawaalika wadau wote wenye teknolojia mbalimbali waweze kushiriki maonesho haya , nayaalika makampuni, taasisi na mashirika yenye vitu vinavyoweza kuwafaa wajasiriamali na Watanzania ambao wangehitaji kuwekeza kwenye viwanda, waweze kuleta teknolojia zao”

“Ninawaaalika Wajasiriamali wote kushiriki maonesho haya maana yatatoa nafasi kila mjasiriamali kujifunza kwa mwenzake, kupata elimu na kubadilisha ujuzi ili waweze kuzalisha bidhaa bora zaidi” alisema Mtaka.

Aidha, ametumia mkutano huo kuzialika taasisi za fedha ili ziweze kujitangaza kwa wajasiriamali nao wakaona ni namna gani wanaweza kupata mitaji, huku akisisitiza na kuzialika taasisi za kitaaluma na vitivo vya uhandisivya Vyuo vikuu  pamoja na mashirika mbalimbali ya Kimatifa yanayofanya kazi hapa nchini.

Akizungumzia ada ya ushiriki Mtaka amesema wajasiriamali wenye mahitaji maalum watashiriki bure, wajasiriamali wadogo watashiriki bila kulipia gharama yoyote isipokuwa watalipa shilingi elfu kumi (10,000/=)  kwa ajili ya sare, wajasiriamali wa kati watachangia shilingi laki mbili (200,000/=) taasisi, makampuni na mashirika ambayo hayapo katika makundi la wajasiriamali wadogo , wa kati na wadhamni watatakiwa kuchangia shilingi milioni mbili (2000,000/=) kama ada ya ushiriki.

Kwa upande wa udhamini Mtaka amesema kuwa kwa taasisi, mashirika au kampuni zilizo tayari kudhamini maonesho hayo,  kiwango cha juu kitakuwa shilingi milioni thelethini (30,000,000/=), kiwango cha kati shilingi milioni kumi  (10,000,000/= ) na kiwango cha chini kitakuwa milioni tano (5,000,000/=)  huku akisisitiza kuwa  wadhamini hawa watambuliwa kwa vyeti na watapewa kipaumbele cha mgeni rasmi kutembelea mabanda yao.

Jumla ya  wajasiriamali wadogo, wa kati na wakubwa 1000 wanatarajia kushiriki Maonesho haya ya Viwanda Vidogo SIDO Kitaifa pamoja na taasisi, mashirika na makampuni ya Umma na binafsi yatashiriki pia.
MWISHO

 Waziri Mkuu wa Jamhuri ya Muungano wa Tanzania, Mhe. Kassim Majaliwa




Mkuu wa Mkoa wa Simiyu, Mhe. Anthony Mtaka akizungumza na waandishi wa habari na Wajumbe wa Kamati ya Maandalizi  ya Maonesho ya Viwanda Vidogo (SIDO) Kitaifa,yatakayofanyika mkoani SIMYU katika Viwanja vya nane nane Nyakabindi, kuanzia tarehe 23-28 Oktoba, 2018. 
Mkuu wa Mkoa wa Simiyu, Mhe. Anthony Mtaka akizungumza na waandishi wa habari na Wajumbe wa Kamati ya Maandalizi  ya Maonesho ya Viwanda Vidogo (SIDO) Kitaifa,yatakayofanyika mkoani SIMYU katika Viwanja vya nane nane Nyakabindi, kuanzia tarehe 23-28 Oktoba, 2018 .
Baadhi ya  waandishi wa habari na Wajumbe wa Kamati ya Maandalizi  ya Maonesho ya Viwanda Vidogo (SIDO) Kitaifa,yatakayofanyika mkoani SIMYU katika Viwanja vya nane nane Nyakabindi, kuanzia tarehe 23-28 Oktoba, 2018 , wakimsikiliza Mkuu wa Mkoa wa Simiyu, Mhe. Anthony Mtaka ,katika mkutano uliofanyika Mjini Bariadi.
Baadhi ya na Wajumbe wa Kamati ya Maandalizi  ya Maonesho ya Viwanda Vidogo (SIDO) Kitaifa,yatakayofanyika mkoani SIMYU katika Viwanja vya nane nane Nyakabindi, kuanzia tarehe 23-28 Oktoba, 2018 , wakimsikiliza Mkuu wa Mkoa wa Simiyu, Mhe. Anthony Mtaka ,katika mkutano uliofanyika           Mjini Bariadi.


BALOZI KAZUNGU: NINGEPENDA NIONE TAKWIMU ZA BIASHARA, UWEKEZAJI KATI YA TANZANIA NA KENYA ZIKIONGEZEKA


Balozi wa Kenya nchini Tanzania, Mhe. Dan Kazungu amesema angependa kuona  katika kipindi chake atakachokuwepo hapa nchini akiiwakilisha nchi ya Kenya ushirikiano wa kiabishara katika Kenya na Tanzania na unaimarika na takwimu za biashara, viwanda na uwekezaji kati ya nchi hizo zikiongezeka mara dufu.

Balozi Kazungu ameyasema hayo wakati alipotembelea Kiwanda cha Kuchambua pamba cha Alliance (Alliance Ginnery LTD), kilichopo Kata ya Kasoli wilaya ya Bariadi Oktoba 05, 2018 katika ziara yake mkoani Simiyu.

Balozi Kazungu amesema ushirikiano wa kibiashara na uwekezaji hususani katika viwanda, kati ya Tanzania na Kenya ukiendelea kuimarika zaidi utachangia kuongeza ajira, kuwatoa wananchi katika umaskini pamoja na kuimarika kwa uchumi wa nchi hizo pia.

“Baada ya miaka minne kazi yangu kama ikiisha hapa, naomba nione takwimu za viwanda, biashara, uwekezaji kati ya Tanzania na Kenya zinaongezeka mara dufu, nafasi za kazi kwa watu wetu zinapatikana na watu wetu wanaondokana na umasikini; kukua kwa Tanzania kuwe ndiyo kukua kwa Kenya hilo ndiyo ombi letu” alisema Mhe. Balozi Kazungu.

Aidha, Mhe. Kazungu ametoa wito kwa  wananchi wa Tanzania na Kenya kuepuka migogoro ya kibiashara ambayo kwa namna moja au nyingine inaweza kuchangia katika kushuka kwa biashara kati ya nchi hizo, huku akiwataka waandishi wa habari kuwa makini na kijiridhisha kabla kuandika habari za kibiashara kwani zisipoandikwa kwa usahihi zinaweza kuchochea migogoro ya kibiashara.

Aidha, Balozi Kazungu amemhakikishia Mkuu wa Mkoa wa Simiyu, Mhe. Anthony Mtaka kuwa atakuwa mstari wa mbele kuzungumza na wawekezaji nchini Kenya ili waje kuwekeza, ambapo amebainisha kuwa Sekta binafsi na Shirikisho la watu wenye viwanda hapa nchini wameshaanza kuzungumzia masuala hayo na wenzao wa Sekta binafsi Kenya.

Kwa upande wake Mkuu wa Mkoa wa Simiyu , Mhe. Anthony Mtaka amemwomba Balozi Kazungu kuwaalika wawekezaji kutoka nchini Kenya na kubainisha kuwa mkoa uko tayari kutoa ardhi bure kwa wawekezaji watakaojenga viwanda vinavyojibu mahitaji ya mkoa, hususani katika kuongeza thamani ya zao la pamba, mazao yatokanayo na mifugo kama ngozi na nyama.

Mtaka amesema Mkoa wa Simiyu una uwezo wa kuzalisha pamba zaidi ya kilo milioni 400 na hadi sasa umezalisha kilo milioni112 ambazo ni zaidi ya asilimia 50 ya pamba yote nchini; hivyo katika kuiongezea thamani pamba hiyo kiwanda kikubwa cha kuzalisha bidhaa zaidi ya 20 za afya zitokanazo na pamba

“Simiyu tunao uwezo wa kuzalisha zaidi ya kilo milioni 400 za pamba, mpaka sasa tumezalisha kilo milioni 112 ambazo ni zaidi ya asilimia 50 ya pamba yote inayozalishwa hapa nchini; katika kuongeza thamani ya zao la pamba, mwaka huu tutaanza ujenzi wa kiwanda kikubwa kitakachozalisha zaidi ya bidhaa 20 za afya zitokanazo na pamba, kitakachojengwa na Mfuko wa Taifa wa Bima ya Afya (NHIF), Mfuko wa Fidia kwa Wafanyakazi(WCF) kwa kushirikiana na wadau wengine na Mkoa wa Simiyu tumetoa ardhi bure” alisema Mtaka.

Ameongeza kuwa kipaumbele cha pili cha mkoa baada ya kujenga kiwanda hicho ni kuwa na uwekezaji katika viwanda vya nguo(textile industries) ili kupata bidhaa ya mwisho katika zao la pamba, hivyo akaendelea kutoa wito kwa wawekezaji ndani na nje ya nchi kuwekeza katika eneo hili.

Naye Mkurugenzi wa Kampuni ya Alliance Ginnery Ltd, Bw. Boaz Ogola ambaye ni Mwekezaji kutoka Nchini Kenya amesema lengo la Kampuni hiyo yenye Kiwanda cha kuchambua pamba ni kwenda katika kuongeza thamani ya zao la pamba, ili faida itakayopatikana irudi kwa wakulima kwa kuifanya pamba yao ikanunuliwa kwa bei nzuri itakayowapa motisha ya kuendelea kuzalisha zaidi.
MWISHO
Balozi wa Kenya nchini Tanzania, Mhe. Dan Kazungu (wa pili kushoto) akiangalia mbegu za zao la pamba zinazozalishwa katika Kiwanda cha Kuchambua pamba cha Alliance (Alliance Ginnery Ltd), kilichopo kata ya Kasoli wilaya ya Bariadi Mkoani Simiyu, wakati alipotembelea kiwanda hicho, Oktoba 05, 2018. 
Mkurugenzi wa Kampuni ya Alliance Ginnery Ltd, Bw. Boaz Ogola ambaye ni mwekezaji kutoka Nchini kenya(wa kwanza kulia), akimuongoza Balozi wa Kenya nchini Tanzania, Mhe. Dan Kazungu (wa pili kulia) na viongozi wengine wa mkoa wa Simiyu, kuelekea katika moja ya majengo ya Kiwanda cha Kuchambua pamba cha Alliance kilichopo kata ya Kasoli wilaya ya Bariadi Mkoani Simiyu, wakati wa ziara ya Balozi huyo kiwandani  hapo, Oktoba 05, 2018.
Mfanyakazi wa katika Kiwanda cha Kuchambua pamba cha Alliance (Alliance Ginnery Ltd), kilichopo kata ya Kasoli wilaya ya Bariadi Mkoani Simiyu, akitoa maelezo ya namna mbegu za pamba zinavyoandaliwa kwa Balozi wa Kenya nchini Tanzania, Mhe. Dan Kazungu (aliyeshika mbegu katikati), wakati alipotembelea kiwanda hicho, Oktoba 05, 2018. 
Mkuu wa Mkoa wa Simiyu, Mhe. Anthony Mtaka akiangalia akiangalia mbegu za zao la pamba zinazozalishwa katika Kiwanda cha Kuchambua pamba cha Alliance (Alliance Ginnery Ltd), kilichopo kata ya Kasoli wilaya ya Bariadi Mkoani humo, wakati ziara ya Balozi wa Kenya nchini Tanzania, Mhe. Dan Kazungu (wa nne kulia) kiwandani  hapo, Oktoba 05, 2018.

Balozi wa Kenya nchini Tanzania, Mhe. Dan Kazungu (wa tatu kushoto) akiangalia pamba iliyochambuliwa katika Kiwanda cha Kuchambua pamba cha Alliance (Alliance Ginnery Ltd), kilichopo kata ya Kasoli wilaya ya Bariadi Mkoani Simiyu, wakati alipotembelea kiwanda hicho, Oktoba 05, 2018 (kushoto) Mkuu wa Mkoa wa Simiyu, Mhe. Anthony Mtaka na (wa pili kushoto) Mkurugenzi wa Kampuni ya Alliance Ginnery Ltd, Bw. Boaz Ogola akitoa maelezo kwa Balozi huyo.
Balozi wa Kenya nchini Tanzania, Mhe. Dan Kazungu (aliyetanguliza mikono kushoto) akiwaeleza jambo viongozi wa mkoa wa Simiyu na viongozi wa Kiwanda ca kuchambua pamba cha  Alliance Ginnery Ltd, wakati alipotembelea kiwanda hicho, Oktoba 05, 2018.
Mfanyakazi wa katika Kiwanda cha Kuchambua pamba cha Alliance (Alliance Ginnery Ltd), kilichopo kata ya Kasoli wilaya ya Bariadi Mkoani Simiyu, akitoa maelezo ya namna mbegu za pamba zinavyoandaliwa kwa Balozi wa Kenya nchini Tanzania, Mhe. Dan Kazungu (wa tatu kulia), wakati alipotembelea kiwanda hicho, Oktoba 05, 2018.
Balozi wa Kenya nchini Tanzania, Mhe. Dan Kazungu (wa pili kulia) akimweleza jambo Mkuu wa Mkoa wa Simiyu, Mhe. Anthony Mtaka(kulia) wakiwa katika Kiwanda cha Kuchambua pamba cha Alliance kilichopo kata ya Kasoli wilaya ya Bariadi Mkoani Simiyu, wakati wa ziara ya Balozi huyo kiwandani  hapo, Oktoba 05, 2018.
Mkurugenzi wa Kampuni ya Alliance Ginnery Ltd, Bw. Boaz Ogola ambaye ni mwekezaji kutoka Nchini Kenya(wa pili kulia), akitoa maelezo kwa  Balozi wa Kenya nchini Tanzania, Mhe. Dan Kazungu (katikati) katika moja ya majengo ya Kiwanda cha Kuchambua pamba cha Alliance kilichopo kata ya Kasoli wilaya ya Bariadi Mkoani Simiyu, wakati wa ziara ya Balozi huyo kiwandani  hapo, Oktoba 05, 2018.
Mkurugenzi wa Kampuni ya Alliance Ginnery Ltd, Bw. Boaz Ogola ambaye ni mwekezaji kutoka Nchini Kenya(wa pili kulia), akitoa maelezo kwa  Balozi wa Kenya nchini Tanzania, Mhe. Dan Kazungu (katikati) katika moja ya majengo ya Kiwanda cha Kuchambua pamba cha Alliance kilichopo kata ya Kasoli wilaya ya Bariadi Mkoani Simiyu, wakati wa ziara ya Balozi huyo kiwandani  hapo, Oktoba 05, 2018.

Mkurugenzi wa Kampuni ya Alliance Ginnery Ltd, Bw. Boaz Ogola ambaye ni mwekezaji kutoka Nchini kenya(kulia), akimuongoza Balozi wa Kenya nchini Tanzania, Mhe. Dan Kazungu (wa pili kulia) na viongozi wengine wa mkoa wa Simiyu, kuelekea katika moja ya majengo ya Kiwanda cha Kuchambua pamba cha Alliance kilichopo kata ya Kasoli wilaya ya Bariadi Mkoani Simiyu, wakati wa ziara ya Balozi huyo kiwandani  hapo, Oktoba 05, 2018.

Balozi wa Kenya nchini Tanzania, Mhe. Dan Kazungu (kushoto) akiwaeleza jambo baadhi ya viongozi wa Mkoa wa Simiyu na Kiwanda cha Kuchambua pamba cha Alliance katika moja ya majengo hicho kilichopo kata ya Kasoli wilaya ya Bariadi Mkoani Simiyu, wakati wa ziara ya Balozi huyo kiwandani  hapo, Oktoba 05, 2018.
Baadhi ya wafanyakazi wa Kiwanda cha Kuchambua pamba cha Alliance(Alliance Ginnery Ltd) wakiendelea na kazi katika sehemu ya uzalishaji wa mbegu katika kiwanda hicho kilichopo kata ya Kasoli wilaya ya Bariadi Mkoani Simiyu, wakati wa ziara ya Balozi wa Kenya nchini Tanzania, Mhe. Dan Kazungu(hayupo pichani)  kiwandani  hapo, Oktoba 05, 2018


Thursday, October 4, 2018

BALOZI WA KENYA AFANYA ZIARA SIMIYU KUJIONEA FURSA ZA UWEKEZAJI


Balozi wa Kenya nchini Tanzania,  Mhe. Dan Kazungu amefanya ziara mkoani Simiyu Oktoba 03, 2018 na kuzungumza na viongozi wa mkoa huo, ambapo ameeleza kuwa moja ya malengo ya ziara yake ni kufahamu Mipango na Fursa za Uwekezaji zilizopo mkoani Simiyu, ili aweze kuzungumza na wawekezaji nchini Kenya kuwekeza mkoani humo.

Balozi Kazungu amesema nchi ya Kenya ndiyo inaongoza kuwekeza nchini Tanzania ukilinganishwa na  nchi nyingine za Afrika ambapo hadi sasa imewekeza takribani dola za Kimarekani bilioni 1.6 hapa nchini.

“ Nimekuja hapa ili tufahamiane  vizuri, nijue mipangilio yenu, fursa za uwekezaji ziko wapi ili tuweze kuzungumzana wenzetu wakaja kuwekeza, Kenya ni nchi inayoongoza kwa kuwekeza nchini Tanzania, hadi sasa imewekeza takribani dola bilioni 1.6 ” alisema Balozi Kazungu.

Aidha, ameomba ushirikiano kati ya Tanzania na Kenya uendelee kuimarishwa kwa lengo la kuzifanya  nchi hizi kuwa shina la viwanda na uwekezaji na kuwa wanufaika wa soko la pamoja la Afrika hali itakayochangia kuimarisha uchumi wa nchi hizo.

Pamoja na ushirikiano katika masuala ya uwekezaji na viwanda Balozi Kazungu amesisitiza masuala ya ujirani mwema, upendo na ushirikiano wa kindugu baina ya nchi hizo mbili.

Kwa upande wake Mkuu wa mkoa wa Simiyu Mhe. Anthony Mtaka amesema Serikali mkoani humo inakaribisha sekta binafsi  na iko tayari kutoa ardhi bure kwa wawekezaji walio tayari kuwekeza Simiyu katika maeneo yanayojibu  mahitaji ya mkoa na nchi kupitia malighafi zinazolishwa ndani ya mkoa na ndani ya nchi.

“Kwa mtu aliye tayari kujenga kiwanda kinachojibu mahitaji yetu kama mkoa hasa kitakachutumia malighafi tulizonazo mfano atakayewekeza kwenye viwanda vya kusindika nyama, viwanda vya kutengeneza bidhaa za ngozi, pamba na yeyote atakayewekeza kwenye viwanda vyenye malighafi inayozalishwa hapa nchini, tutampa ardhi bure” alisema

Mtaka amemweleza Balozi Kazungu kuwa mkoa huo pia uko tayari kutoa  ardhi bure kwa wawekezaji walio tayari kuwekeza kwenye ujenzi wa vyuo ikiwemo vya ufundi na utalii ili kuwajengea vijana ujuzi .

Naye Katibu Tawala Mkoa wa Simiyu, Bw. Jumanne Sagini amesema mafanikio ya Mkoa huo yanayopelekea kufanya  vitu vikaonekana ikiwa ni pamoja na kuwa na Mwongozo wa Uwekezaji ni ushirikiano uliopo kati ya viongozi, watendaji, wadau mbalimbali wa maendeleo ikiwepo Taasisi za Serikali na binafsi, sekta binafsi, madhehebu ya dini pamoja na wananchi
.
Mkurugenzi wa Kiwanda cha kuchambua Pamba cha Alliance Ginnery kilicjopo Bariadi, Bw. Boaz Ogola ambaye ni Mwekezaji kutoka nchini Kenya amemweleza Balozi kuwa Tanzania ni nchi yenye amani na  mahali sahihi kwa uwekezaji, hivyo  akatoa wito kwa  Mhe. Balozi kuwaalika Wafanyabiashara kutoka Kenya kuja kuwekeza Simiyu na Tanzania kwa ujumla
MWISHO


Balozi wa Kenya  nchini Tanzania,  Mhe. Dan Kazungu akisaini kitabu cha katika Ofisi ya Mkuu wa Mkoa wa Simiyu,  mara baada ya kuwasili Mjini Bariadi  wakati wa ziara yake mkoani humo, Oktoba 03, 2018(kushoto) Katibu Tawala Mkoa wa Simiyu, Bw. Jumanne Sagini(katikati) Mkuu wa mkoa wa Simiyu Mhe. Anthony Mtaka.

Balozi wa Kenya  nchini Tanzania,  Mhe. Dan Kazungu akisalimiana na Mkuu wa mkoa wa Simiyu Mhe. Anthony Mtaka(kulia)  , mara baada ya kuwasili Mjini Bariadi  wakati wa ziara yake mkoani humo, Oktoba 03, 2018.
Balozi wa Kenya  nchini Tanzania,  Mhe. Dan Kazungu akisalimiana na Mkuu wa mkoa wa Simiyu Mhe. Anthony Mtaka(kulia) ,  mara baada ya kuwasili Mjini Bariadi  wakati wa ziara yake mkoani humo, Oktoba 03, 2018.
 Mkuu wa mkoa wa Simiyu Mhe. Anthony Mtaka(kulia) akisalimiana na  Balozi wa Kenya nchini Tanzania,  Mhe. Dan Kazungu, mara baada ya kuwasili Mjini Bariadi  wakati wa ziara yake mkoani Simiyu, Oktoba 03, 2018. 
Balozi wa Kenya nchini Tanzania,  Mhe. Dan Kazungu, akisalimiana na Katibu Tawala Mkoa wa Simiyu, Bw. Jumanne Sagini mara baada ya kuwasili Mjini Bariadi  wakati wa ziara yake mkoani Simiyu, Oktoba 03, 2018.
 Balozi wa Kenya  nchini Tanzania,  Mhe. Dan Kazungu akisalimiana na Mkuu wa Wilaya ya Itilima wa Simiyu Mhe.Benson Kilangi, mara baada ya kuwasili Mjini Bariadi wakati wa ziara yake mkoani Simiyu, Oktoba 03, 2018. 


Balozi wa Kenya  nchini Tanzania,  Mhe. Dan Kazungu akisaini kitabu cha katika Ofisi ya Mkuu wa Mkoa wa Simiyu,  mara baada ya kuwasili Mjini Bariadi  wakati wa ziara yake mkoani humo, Oktoba 03, 2018(kushoto) Katibu Tawala Mkoa wa Simiyu, Bw. Jumanne Sagini(katikati) Mkuu wa mkoa wa Simiyu Mhe. Anthony Mtaka.
Mkuu wa mkoa wa Simiyu Mhe. Anthony Mtaka (katikati) akitoa maelezo ya Mkoa kwa Balozi wa Kenya  nchini Tanzania,  Mhe. Dan Kazungu(kulia), ambaye alifika mkoani humo kwa ziara ya kikazi Oktoba 03, 2018
Kutoka kulia Katibu Tawala Mkoa wa Simiyu, Bw. Jumanne Sagini, Mkuu wa mkoa wa Simiyu Mhe. Anthony Mtaka, Balozi wa Kenya  nchini Tanzania,  Mhe. Dan Kazungu na Mkurugenzi wa Kiwanda cha kuchambua Pamba cha Alliance Ginnery  kilichopo Bariadi, Bw. Boaz Ogola wakiteta jambo, wakati wa ziara ya Balozi huyo mkoani Simiyu, Oktoba 03, 2018.
Kutoka kushoto  Katibu Tawala Mkoa wa Simiyu, Bw. Jumanne Sagini, Mkuu wa mkoa wa Simiyu Mhe. Anthony Mtaka, wakimuonesha jambo Balozi wa Kenya  nchini Tanzania,  Mhe. Dan Kazungu katika Mwongozo wa Uwekezaji wa Mkoa wa Simiyu wakati wa ziara ya Balozi huyo mkoani Simiyu, Oktoba 03, 2018. 
Balozi wa Kenya  nchini Tanzania,  Mhe. Dan Kazungu akisalimiana na Kaimu Mkurugenzi wa Halmashauri ya Wilaya ya Bariadi, Mhandisi. Wilbert Siogopi , mara baada ya kuwasili Mjini Bariadi  wakati wa ziara yake mkoani humo, Oktoba 03, 2018.
 Mkuu wa mkoa wa Simiyu Mhe. Anthony Mtaka(katikati) akizungumza  na  Balozi wa Kenya nchini Tanzania,  Mhe. Dan Kazungu, mara baada ya kuwasili Mjini Bariadi  wakati wa ziara yake mkoani Simiyu, Oktoba 03, 2018. 
Kutoka kulia Mkuu wa mkoa wa Simiyu Mhe. Anthony Mtaka, Balozi wa Kenya  nchini Tanzania,  Mhe. Dan Kazungu na Mkurugenzi wa Kiwanda cha kuchambua Pamba cha Alliance Ginnery  kilichopo Bariadi, Bw. Boaz Ogola wakiteta jambo, wakati wa ziara ya Balozi huyo mkoani Simiyu, Oktoba 03, 2018.
Balozi wa Kenya  nchini Tanzania,  Mhe. Dan Kazungu akizungumza na viongozi wa Mkoa wa Simiyu , Mjini Bariadi  wakati wa ziara yake mkoani humo, Oktoba 03, 2018.
 Mkurugenzi wa Kiwanda cha kuchambua Pamba cha Alliance Ginnery  akizungumza na Balozi wa Kenya  nchini Tanzania,  Mhe. Dan Kazungu wakati wa ziara ya Balozi huyo mkoani Simiyu, Oktoba 03, 2018.
Balozi wa Kenya  nchini Tanzania,  Mhe. Dan Kazungu ( wa pili kulia)  akiwa katika picha ya pamoja na viongozi wa mkoa wa Simiyu mara baada ya kuhitimisha ziara yake mkoani Simiyu, Oktoba 03, 2018.
 Kutoka kulia Katibu Tawala Mkoa wa Simiyu, Bw. Jumanne Sagini, Mkuu wa mkoa wa Simiyu Mhe. Anthony Mtaka, Balozi wa Kenya  nchini Tanzania,  Mhe. Dan Kazungu na Mkurugenzi wa Kiwanda cha kuchambua Pamba cha Alliance Ginnery  kilichopo Bariadi, Bw. Boaz Ogola wakiteta jambo, wakati wa ziara ya Balozi huyo mkoani Simiyu, Oktoba 03, 2018.


Mkurugenzi wa Kiwanda cha kuchambua Pamba cha Alliance Ginnery  akizungumza na Balozi wa Kenya  nchini Tanzania,  Mhe. Dan Kazungu wakati wa ziara ya Balozi huyo mkoani Simiyu, Oktoba 03, 2018.


Baadhi ya viongozi na waandishi wa habari mkoani Simiyu wakisikiliza Balozi wa Kenya  nchini Tanzania,  Mhe. Dan Kazungu Mjini Bariadi, wakati wa ziara ya Balozi huyo mkoani Simiyu, Oktoba 03, 2018.
Powered by Blogger.
Subscribe Via Email

Subscribe to our newsletter to get the latest updates to your inbox. ;-)

Your email address is safe with us!