Mkuu wa Mkoa wa Simiyu, Mhe. Anthony
Mtaka amekutana na kufanya mazungumzo na Kiongozi wa Jumuiya ya Waislamu wa Ahmadiyya,
Sheikh Tahir Mahmood Chaudhry .
Katika mazungumzo hayo Mkuu wa Mkoa wa
Simiyu, Mhe. Anthony Mtaka ameishukuru Jumuiya hiyo kwa namna ilivyowekeza
katika miradi ya mbalimbali ikiwemo miradi ya maji hususani uchimbaji wa visima
katika baadhi ya maeneo mkoani humo.
Aidha, ameiomba Jumuiya hiyo kuona
uwezekano wa kuwekeza kwenye sekta ya Afya hasa katika ujenzi wa Hospitali huku
akiwahakikishia upatikanaji wa ardhi kwa ajili ya ujenzi pindi watakapokuwa
tayari.
Kwa upande wake Kiongozi Jumuiya ya
Waislamu wa Ahmadiyya, Sheikh Tahir Mahmood Chaudhry amesema atalichukua kama
pendekezo kwa viongozi wenzake ili waweze kuona uwezekano wa kuwekeza katika
ujenzi wa hospitali Mkoani Simiyu.
Wakati huo huo Kiongozi huyo amesema
pamoja na kuchimba visima vya maji Jumuiya ya Ahmadiyya imewekeza katika
Elimu na Afya katika maeneo mbalimbali hapa nchini.
Naye Kiongozi wa Jumuiya ya Waislamu wa Ahmadiyya Mkoa wa Simiyu, Shekh Abdulatif Yusuph Ngalombe amesema hadi sasa jumuiya hiyo imechimba
visima 6 katika wilaya ya Itilima na kuboresha visima 19 katika wilaya ya
Itilima na Meatu kwa gharama ya shilingi 49,760,000 na kazi ikiwa bado
inaendelea katika baadhi ya maeneo.
Mkuu wa Mkoa wa Simiyu,
Mhe Anthony Mtaka (katikati) akisalimiana na Kiongozi wa Jumuiya wa Waislamu ya Ahmadiyya, Sheikh Tahir Mahmood Chaudhry mara baada ya kumaliza
mazungumzo yao ofisini kwake Mjini Bariadi Julai 17, 2018.
Kiongozi wa Jumuiya ya
Waislamu wa Ahmadiyya, Sheikh Tahir Mahmood Chaudhry akisisitiza jambo wakati
wa mazungumzo yake na Mkuu wa Mkoa wa Simiyu, Mhe Anthony Mtaka
alipomtembelea Ofisini kwake Mjini Bariadi, Julai 17, 2018.
Mkuu wa Mkoa wa Simiyu,
Mhe Anthony Mtaka akizungumza na Viongozi wa Jumuiya ya Waislamu wa
Ahmadiyya, wakiongozwa na Kiongozi Mkuu Sheikh Tahir Mahmood Chaudhry walipomtembelea
ofisini kwake Mjini Bariadi, Julai 17, 2018.
Kiongozi wa Jumuiya ya
Waislamu wa Ahmadiyya, Sheikh Tahir Mahmood Chaudhry akisisitiza jambo wakati
wa mazungumzo yake na Mkuu wa Mkoa wa Simiyu, Mhe Anthony Mtaka
alipomtembelea Ofisini kwake Mjini Bariadi, Julai 17, 2018.
Kiongozi wa Jumuiya ya
Waislamu wa Ahmadiyya, Sheikh Tahir Mahmood Chaudhry akisaini Kitabu cha wageni
katika Ofisi ya Mkuu wa Mkoa wa Simiyu, mhe. Anthony Mtaka alipotembelea kwa
lengo la kufanya mazungumzo naye Mjini Bariadi, Julai 17,2018.
Mkuu wa Mkoa wa Simiyu, Mhe Anthony Mtaka (wa
nne kushoto) akisalimiana na Kiongozi wa Jumuiya ya Waislamu wa Ahmadiyya, Sheikh Tahir Mahmood
Chaudhry mara baada ya kumaliza
mazungumzo yao ofisini kwake Mjini Bariadi Julai 17, 2018
0 comments:
Post a Comment