Katibu
Tawala Mkoa wa Simiyu, Bw. Jumanne Sagini amesema ushiriki katika michezo kwa
watumishi ni moja ya njia za kuongeza ari ya utendaji kazi katika maeneo yao.
Sagini
ameyasema hayo mwishoni mwa wiki Novemba 10, 2018 jioni wakati akizungumza na
watumishi wa Ofisi ya Mkuu wa mkoa wa Simiyu na Walimu wa Manispaa ya Musoma
mkoani Mara mara baada ya kumalizika kwa mechi ya kirafiki kati ya watumishi
hao iliyochezwa katika Uwanja wa Posta Mjini Musoma, ambapo wenyeji Timu ya
Walimu walikubali kichapo cha goli nne kwa tatu kutoka kwa Timu ya Ofisi ya
Mkuu wa Mkoa wa Simiyu.\
“Mtu
aliye na mwili wenye afya, akili yenye afya, aliye na uwezo wa kuruka na kuwepa
ngwala kama nilivyokuwa nawaona hapa ni lazima hata katika kazi zake atafanya
vizuri” alisema Sagini.
Aidha,
Sagini ametoa wito kwa Maafisa Masuuli katika Ofisi za Wakuu wa Mikoa na
Halmashauri kuwaunga mkono watumishi wao katika masuala ya michezo kwa
kuwezesha wanapohitaji msaada kwao hususani katika suala la kuwawezesha kifedha,
ili waweze kushiriki michezo mbambali ambayo pia inawasaidia kuimarisha afya
zao na kuwaepusha na magonjwa yasiyoambukiza.
Akitoa
shukrani kwa Timu ya Ofisi ya Mkuu wa Mkoa na Timu ya Walimu Manispaa ya Musoma
kucheza mchezo huo kwa nidhamu ya hali
juu, Afisa Michezo wa Mkoa wa Mara, Bw. Evance Sangawe amesema nidhamu
iliyooneshwa ni ishara kwamba watumishi hao wa Umma wanaweza kufanya kazi kwa
kujituma bila kusimamiwa.
Kwa
upande wake Kocha Msaidizi wa Timu ya Walimu wa Manispaa ya Musoma, Mwl.
Yisambi Mwazembe amesema mechi za kirafiki zina umuhimu mkubwa kwa watumishi wa
umma kwani zina nafasi kubwa ya kuwakutanisha watumishi ambao walioachana muda
mrefu shuleni, vyuoni na hata katika maeneo mengine ya kazi zao.
Naye
Nahodha wa Timu ya Watumishi wa Ofisi ya Mkuu wa Mkoa wa Simiyu, Bw. Elias
Sebastian amesema mechi hiyo ya kirafiki imewakutanisha na watumishi wa Ofisi ya Mkuu wa mkoa wa Simiyu
na watumishi wa Manispaa ya Musoma ambao hawajawahi kuonana hapo awali, hivyo
imechangia watumishi hao kufahamiana na
wenzao.
MWISHO
Baadhi ya wachezaji wa
Timu ya Watumishi wa Ofisi ya Mkuu wa Mkoa wa Simiyu(wenye jezi za bluu na
nyeupe) na Timu ya Walimu wa Manispaa ya Musoma (wenye jezi nyekundu) wakiwa
katika mnyukano mkali wakati wa mechi ya kirafiki iliyochezwa mwisho mwa wiki
katika Uwanja wa Posta Mjini Musoma, ambapo Timu ya Watumishi wa Ofisi ya Mkuu
wa Mkoa wa Simiyu iliibuka kidedea kwa goli nne kwa tatu dhidi ya wapinzani
wao.
Kikosi cha Timu ya
Watumishi wa Ofisi ya Mkuu wa Mkoa wa Simiyu wakiwa katika picha ya pamoja na
Kocha wao Bw. Justine Mnyandwa (kulia) kabla ya kuanza kwa mechi ya kirafiki na
Timu ya Walimu wa Manispaa ya Musoma ,iliyochezwa mwisho mwa wiki katika Uwanja
wa Posta Mjini Musoma, ambapo Timu hiyo iliibuka kidedea kwakuichapa timu
pinzani goli nne kwa tatu.
Kikosi
cha Timu ya Watumishi wa Ofisi ya Mkuu wa Mkoa wa Simiyu(wenye jezi za bluu na
nyeupe) na Timu ya Walimu wa Manispaa ya Musoma (wenye jezi nyekundu) wakiwa
katika picha ya pamoja kabla ya kuanza kwa mechi ya kirafiki,iliyochezwa mwisho
mwa wiki katika Uwanja wa Posta Mjini Musoma, ambapo Timu ya Watumishi wa Ofisi
ya Mkuu wa Mkoa wa Simiyu iliibuka kidedea kwa kuichapa timu pinzani goli nne kwa tatu.
Katibu Tawala wa mkoa
wa Simiyu, Bw. Jumanne Sagini (mwenye trakisuti ya bluu aliyeinua mkono wa
kulia juu) akiwa katika picha ya pamoja na Timu ya Watumishi wa Ofisi ya Mkuu
wa Mkoa wa Simiyu na mashabiki wa timu hiyo mara baada ya mechi ya kirafiki
kati ya timu hiyo na Timu ya Walimu wa Manispaa ya Musoma, iliyochezwa mwisho mwa wiki katika Uwanja wa
Posta Mjini Musoma, ambapo Timu ya Watumishi wa Ofisi ya Mkuu wa Mkoa wa Simiyu
iliibuka kidedea kwa goli nne kwa tatu dhidi ya wapinzani wao.
Mwakilishi wa Katibu
Tawala Mkoa wa Mara(kushoto) na Katibu Tawala Mkoa wa Simiyu, Bw. Jumanne
Sagini wakifurahia jambo, mara baada ya mechi ya kirafiki kati ya Timu ya
Watumishi wa Ofisi ya Mkuu wa Mkoa wa Simiyu na Timu ya Walimu wa Manispaa ya
Musoma, iliyochezwa mwisho mwa wiki
katika Uwanja wa Posta Mjini Musoma kumalizika , ambapo Timu ya Watumishi wa
Ofisi ya Mkuu wa Mkoa wa Simiyu iliibuka kidedea kwa goli nne kwa tatu dhidi ya
wapinzani wao.
Afisa Michezo wa Mkoa
wa Mara, Bw. Evance Sangawe akizungumza
na wachezaji wa timu ya Watumishi wa Ofisi ya Mkuu wa Mkoa wa Simiyu na Timu ya
Walimu wa Manispaa ya Musoma, mara baada ya mechi ya kirafiki iliyochezwa
Musoma kati ya timu hizo mwisho mwa wiki katika Uwanja wa Posta Mjini
kumalizika.
Katibu Tawala Mkoa wa
Simiyu, Bw. Jumanne Sagini akizungumza na wachezaji wa Timu ya Watumishi wa
Ofisi ya Mkuu wa Mkoa wa Simiyu mjini Bariadi
kabla ya safari ya kuelekea Musoma kwa ajili ya kucheza mechi ya kirafiki
na Timu ya Walimu wa Manispaa ya Musoma,
iliyochezwa mwishoni mwa wiki katika Uwanja wa Posta Mjini Musoma.
Baadhi ya Mashabiki na
Watumishi wa Ofisi ya mkuu wa Mkoa wa Simiyu wakiishangilia ushindi wa goli nne
kwa tatu ambao Timu ya Watumishi wa Ofisi ya mkuu wa Mkoa wa Simiyu iliupata
dhidi ya wapinzani wao Timu ya Walimu
Manispaa ya Musoma katika Mechi ya kirafiki ilichezwa katika Uwanja wa Posta
Mjini Musoma mwishoni mwa wiki.
Baadhi ya Mashabiki na
Watumishi wa Ofisi ya mkuu wa Mkoa wa Simiyu wakiishangilia ushindi wa goli nne
kwa tatu ambao Timu ya Watumishi wa Ofisi ya mkuu wa Mkoa wa Simiyu iliupata
dhidi ya wapinzani wao Timu ya Walimu
Manispaa ya Musoma katika Mechi ya kirafiki ilichezwa katika Uwanja wa Posta
Mjini Musoma mwishoni mwa wiki.
Baadhi ya wachezaji wa
Timu ya Watumishi wa Ofisi ya Mkuu wa Mkoa wa Simiyu(wenye jezi za bluu na
nyeupe) na Timu ya Walimu wa Manispaa ya Musoma (wenye jezi nyekundu) wakiwa
katika mnyukano mkali wakati wa mechi ya kirafiki iliyochezwa mwisho mwa wiki
katika Uwanja wa Posta Mjini Musoma, ambapo Timu ya Watumishi wa Ofisi ya Mkuu
wa Mkoa wa Simiyu iliibuka kidedea kwa goli nne kwa tatu dhidi ya wapinzani
wao.
0 comments:
Post a Comment